第2章 救命（2/2）

天才一秒记住本站地址：[笔趣阁]
https://www.ibqg.vip 最快更新！无广告！

风向有正好朝向阿腻头的屋里门口，呛得阿腻头屋里一片咳嗽声，一向蛮横的阿腻头，冲出门来，朝煤球炉子就是一脚，煤球炉子被踢得滚出去老远。碎得七零八落……

李家婶婶双脚直跳，又气又急的辰光，汪家好婆揪牢小六子的耳朵皮，一路朝李家婶婶门前头拖过来。

小六子斜着头，耳朵皮被拖得老老长，人跌跌冲冲，哇啦哇啦穷哭……

李家婶婶看得心痛，小赤佬不争气，一副坍台腔，又不好讲啥。

因为，小六子不晓得从啥地方拾来一只苹果核子，正啃得起劲。被汪家好婆看见了，就拖过来教训。

汪家好婆还摆出一副老长辈的腔调，像教训小囡一样又教训起了李家婶婶：“侬像做娘伐，小囡养成了一副瘪三腔，不晓得啥辰光，一条小命就送在一只馋嘴巴上头，再不管管。到辰光哭丧也来不及了。”

闲话糙，理倒不糙。就是讲闲话气得煞人。

其实也不是汪家好婆不会讲闲话，是看李家屋里穷，从来不把李家当平等的人看待，讲闲话也从不掂斤两，专捡难听的讲。

李家婶婶听了心里当然生气，只不过人穷气短，加上没文化，笨嘴笨舌，一时有点张口结舌，不晓得哪能应对。

啥人晓得，小六子趁汪家好婆揪耳朵的手一松开，灵嘴利牙，对牢汪家好婆就是一句：“死老太婆，啥人要侬管。”

说时迟那时快，“啪”的一声，汪家好婆撩起来就是一记耳光，打得小六子人转了一圈，差点掼倒，闲话更加难听了：“侬看看，侬看看，小赤佬没有爷娘教训，成野蛮小驹了，我今早不教训教训，真要翻天了。”

自家小囡，自家欢喜！瘌痢头儿子还自家好呢。一巴掌，五只指头印，闲话还讲得刮三刮四，李家婶婶当然忍不下去了。朝汪家好婆斜了一眼，鼻头里哼了一声。拉起小六子就回屋里去。

汪家好婆的声音还追过来：“不要狗咬吕洞宾，不识好人心。”

李家婶婶憋牢一口气，回到屋里，门一关，实在寻不到出气的地方，翻倒小六子，劈劈啪啪一顿屁股，打得小六子呼天抢地。

弄堂里的房子旧，不隔音，李家婶婶自以为关好门，教训小赤佬，是自家的事体，勿晓得。其实门外头听得清清爽爽。

汪家好婆在门外头，听得肚皮里的气鼓胀起来，浪三浪四讲：“争啥格气！不要拿小囡出气。有本事，出来现开销。”

李家婶婶当然不敢出来跟汪家好婆现开销，弄堂里啥人不晓得汪家好婆是狠角色。